Kókshetaýda polısıa shetelge jumysqa ornalastyrýǵa baılanysty alaıaqtyq faktisi boıynsha qylmystyq isti tergep jatyr. Osy is boıynsha 93 adam shamamen 60 mıllıon teńge shyǵynǵa ushyraǵan, dep habarlaıdy infohub.kz saıty.
Aqmola oblysy polısıa departamentiniń baspasóz qyzmetiniń málimetinshe, Kókshetaý qalalyq polısıa basqarmasynyń qyzmetkerleri shetelde jumysqa ornalastyrý qyzmetin kórsetýge baılanysty alaıaqtyq faktisi (Qazaqstan Respýblıkasy Qylmystyq kodeksiniń 190-babynyń 4-bóligi) boıynsha sotqa deıingi tergeý júrgizýde.
Tergeý derekteri boıynsha, kúdikti 2023 jyldan 2026 jyldyń qańtaryna deıingi kezeńde áleýmettik jeliler arqyly azamattarǵa Ulybrıtanıaǵa jumysqa ornalasý qyzmetin usynǵan. Ol vıza rásimdeý, medısınalyq saqtandyrý, bıometrıalyq derekterdi tapsyrý jáne basqa da qajetti qujattardy daıyndaý syltaýymen azamattardan aqsha qarajatyn alǵan, alaıda ýáde etken mindettemelerin oryndamaǵan.
Qazirgi ýaqytta qylmystyq is boıynsha 93 adam zardap shekken dep tanylǵan. Aldyn ala derekter boıynsha, keltirilgen zalaldyń jalpy somasy shamamen 60 mıllıon teńgeni quraıdy. Aqsha qarajaty qolma-qol da, banktik aýdarymdar arqyly da berilgen, dep túsindirdi polısıa departamentinde.
Tergeý barysynda qajetti tergeý áreketteri júrgizilip, kúdikti jaýapqa tartyldy. Oǵan qatysty úıqamaq túrindegi bultartpaý sharasy tańdaldy. Tergeý jalǵasýda, polıseıler oqıǵanyń barlyq mán-jaıyn jáne basqa da yqtımal zardap shekkenderdi anyqtaýda.