Tabysty amerıkandyq advokat Natanıel Kallerton joǵary aqy tólenetin qyzmetinen jáne basqa zań fırmasyna aýysý usynysynan aıyryldy. Sebep — áleýmettik jelide onyń jas áriptesimen súıisken vıdeosy tarap ketti. Bul oqıǵa qoǵamda keń rezonans týdyrdy, dep habarlaıdy infohub.kz.
Kallerton Sem Áltmannyń múddesin Ilon Maskqa qarsy iste qorǵaǵan zańgerler tobynyń múshesi bolǵan. Mask OpenAI kompanıasynan $150 mlrd shyǵyn óteýdi talap etken edi. Olardyń kúsh-jigeriniń arqasynda is jeńispen aıaqtaldy.
Advokat jylyna shamamen $4 mln tabys tabady. Ol básekeles fırmaǵa aýysýdy josparlaǵan, onda onyń tabysy shamamen úsh ese ósýi múmkin edi, dep jazady The Post.
Alaıda TikTok-taǵy jarıalanymnan keıin barlyq jospar kúl-talqan boldy. Vıdeoda 45 jastaǵy Kallerton saıabaqta jas áriptesimen súıisip tur. Advokat prokýror Moıra Kım Penzaǵa úılengen. Tergeý barysynda ol jumystan ýaqytsha shettetildi. Rolık 10 mıllıonnan astam qaralym jınady, al basqa kompanıa jumysqa qabyldaý usynysyn qaıtaryp aldy.
Bul oqıǵa qoǵamdyq aıyptaýdyń mansapqa qalaı áser etetininiń aıqyn mysaly boldy. Qazaqstanda da otbasylyq opasyzdyqqa osyndaı jappaı aıyptaý bolsa eken dep armandaý ǵana qalady.
Buǵan deıin Bostondaǵy Coldplay tobynyń konsertinde kamera kezdeısoq otbasylyq opasyzdyqty áshkerelegeni habarlanǵan bolatyn.