Qazaqstanda amnıstıa týraly zańdy iske asyrý jalǵasýda. İİM derekterine sáıkes, sottar 1,3 myńnan astam adamdy bosatyp, taǵy júzdegen sottalǵannyń jaza merzimin qysqartty... dep habarlaıdy infohub.kz.
Zań kúshine engen sátten bastap sottarǵa 10 myńnan astam usynys jiberildi. Onyń 4,4 myńǵa jýyǵyn qylmystyq-atqarý júıesi mekemeleri, taǵy 6,9 myńnan astamyn probasıa qyzmeti daıyndady.
Sottar myńnan astam materıaldy qarady. Nátıjesinde túzeý mekemelerinen 620 adam bosatyldy, olarǵa bosatylǵannan keıin ákimshilik qadaǵalaý belgilendi. Probasıa qyzmetiniń esebinde turǵan taǵy 724 adam jazany odan ári óteýden bosatyldy.
«Atap aıtqym keledi: qylmystyq amnıstıa avtomatty túrde qoldanylmaıdy. Ár adamǵa qatysty quqyqtyq baǵalaý júrgiziledi, al túpkilikti sheshimdi tek sot qabyldaıdy», — dedi İİM qylmystyq-atqarý júıesi komıteti tóraǵasynyń birinshi orynbasary Nıaz Ryspaev.
Sottalǵandardy bosatýmen qatar, 730-dan astam adamnyń jaza merzimi qysqartyldy.
İİM-niń habarlaýynsha, qatar adamdardy bosatýǵa daıyndyq júrgizilýde. Jergilikti atqarýshy organdarmen birlesip, olarǵa qujattaryn qalpyna keltirýge, jumysqa ornalasýǵa jáne áleýmettik-quqyqtyq qoldaý alýǵa kómektesýde. Probasıa qyzmetiniń esebinde turǵan adamdar úshin sot júktegen mindetterdiń oryndalýyn baqylaý jáne súıemeldeý qarastyrylǵan.
Buǵan deıin «Kýrsıv» Atyraý oblysyndaǵy memlekettik mekemeniń burynǵy býhgalterine qatysty Bas prokýratýranyń narazylyǵy boıynsha kasasıalyq sot zańsyz qoldanylǵan amnıstıany joıǵanyn jazǵan bolatyn. 88,8 mln teńgeden astam búdjet qarajatyn jymqyrǵany úshin sottalǵan áıel memleketke zalaldy tolyq ótemegendikten, bastapqyda taǵaıyndalǵan jeti jyl bas bostandyǵynan aıyrý jazasyn óteýi tıis.