Anthropic kompanıasy Claude neırojelileri jasaǵan mátinderge kórinbeıtin sıfrlyq belgilerdi qosa bastady. Bul sheshim Eýropalyq Odaqtyń jasandy ıntellekt týraly zańynyń talaptaryna baılanysty qabyldandy, dep habarlaıdy infohub.kz saıty.
Anthropic málimdemesine sáıkes, kórinbeıtin sý tańbalary 2026 jyldyń 2 tamyzynan keıin shyǵarylǵan Claude modelderiniń mátinine tikeleı engiziledi. Belgiler oqylymǵa, maǵynaǵa nemese jaýap sapasyna áser etpeıdi, biraq kóshirgende saqtalady jáne ishinara óńdeýge tózimdi.
Kompanıa bul qadamdy EO-nyń jasandy ıntellekt týraly zańynyń sıntetıkalyq kontenttiń ashyqtyǵyn retteıtin 50-babyn saqtaý aıasynda jasady. Markırovka ázirleýshiniń barlyq qyzmetterine, sonyń ishinde Claude ınterfeısine, API-ge, Claude Code quralyna, sondaı-aq bultty seriktester platformalaryndaǵy modelderge qoldanylady.
Medıafaıldar úshin Anthropic C2PA sıfrlyq qoltańba standartyn paıdalanady, al mátin úshin kiristirilgen sý tańbasyn ázirledi. Sonymen qatar, kompanıada sý tańbasynyń bolýy II avtorlyǵynyń absolútti dáleli emes ekenin atap ótedi, óıtkeni paıdalanýshylar modeldi kóbinese daıyn mátinderdi aýdarý nemese tekserý úshin ǵana qoldanady.