Psıhıkalyq densaýlyq ortalyǵynan shyqqan Aqbaıan Muqanǵalıeva balalaryn aralap júr. Alaıda burynǵy kúıeýi Sultan Sársemálıevtiń onyń týystaryn óltirgenin áli kúnge deıin bilmeıdi, dep habarlaıdy infohub.kz saıty.
Emdeý ortalyǵynan shyqqan áıel týysynyń úıinde turyp, jaqyndarynyń turaqty qadaǵalaýynda. Ol qalpyna kelý barysyn jalǵastyryp, ońaltý ortalyǵyna barady.
Mańyzdy kezeńderdiń biri — balalarymen kezdesý boldy: Aqbaıan olardy aralap, birge ýaqyt ótkizedi. Týystarynyń aıtýynsha, bul onyń emosıonaldyq jaǵdaıyna oń áser etedi.
Jaqyndary týystarynyń qaza tapqany týraly habardy aıtýǵa ázirge asyqpaıdy. Olar aýyr habardyń áıeldiń jaǵdaıyn kúrt nasharlatýy múmkin dep qorqyp, ol qabyldaýǵa daıyn bolǵan sátti kútpekshi.
Eske salaıyq, bıyl qańtarda Atyraý oblysynda tórt adamnan turatyn otbasynyń joǵalǵany belgili boldy — er adam, onyń áıeli jáne eki eresek balasy. Aldymen qart jubaılardyń denesi tabylsa, keıin olardyń balalarynyń deneleri de tabyldy.
Kisi óltirýge burynǵy kúıeý balasy Sultan Sársemálıev kúdikti dep tanyldy. 14 shildede er adam ómir boıy bas bostandyǵynan aıyrýǵa sottaldy.
Qyrkúıek aıynyń basynda qaza tapqan otbasy músheleriniń qyzy ári qaryndasy, sottalǵan Sultan Sársemálıevtiń burynǵy jubaıy Aqbaıan Muqanǵalıevanyń psıhıatrıalyq ortalyqtan shyqqany habarlanǵan bolatyn.