AQSh Memlekettik hatshysy Marko Rýbıo Ýkraına prezıdenti Vladımır Zelenskıdiń qaýipsizdik kepildikteri týraly málimdemesin joqqa shyǵardy. Onyń aıtýynsha, AQSh Kıevke qaýipsizdik kepildikterin berýdi Ýkraınanyń Donbasstan áskerin shyǵarýymen baılanystyrmaǵan.
Bul týraly Infohub.kz aqparat agenttigi habarlaıdy.
Saıasatker bul málimdemesin 27 naýryzda Fransıada ótken G7 elderi Syrtqy ister mınıstrleri kezdesýinen keıin jýrnalıserdiń suraqtaryna jaýap bergende aıtty. Rýbıo Zelenskıdiń «eger tek aýmaǵyn berse, qaýipsizdik kepildikterine ıe bolady» degen sózderin «ótirik» dep atady.
AQSh pozısıasy
«Bul ótirik. Men onyń (Zelenskıdiń) muny aıtqanyn kórdim. Onyń muny aıtqany ókinishti, sebebi ol shyndyq emes ekenin biledi. Oǵan bulaı aıtylmaǵan. Oǵan aıtylǵany anyq: qaýipsizdik kepildikteri soǵys bitkenshe kúshine enbeıdi. Biraq bul «eger ol aýmaǵyn bermese» degen shartpen baılanystyrylmaǵan. Nelikten ol mundaı nárselerdi aıtatynyn bilmeımin. Bul jaı ǵana shyndyq emes», - dedi Rýbıo.
Memlekettik hatshy AQSh Ýkraınaǵa Reseıdiń talaptaryn jetkizgenin, biraq Kıevtiń aýmaqtyq usynystar jasaýyna eshqashan úndemegenin atap ótti.
Reseıdiń talaptary
Reseı prezıdenti Vladımır Pýtın 2025 jyldyń kúzinen bastap Ýkraınadaǵy soǵysty toqtatýdyń sharty retinde Ýkraına Qarýly Kúshteriniń Donbass aýmaǵynan shyǵarylýyn birneshe ret atap ótken bolatyn. Reseı basshysynyń aıtýynsha, qazirgi ýaqytta bul aımaqtyń 15-17 paıyzy Kıevtiń baqylaýynda qalyp otyr.
Osyǵan baılanysty Zelenskı naýryz aıynyń sońynda AQSh Ýkraınaǵa ýáde etilgen qaýipsizdik kepildikterin berýdi Donesk oblysyn Reseıge berý talabyna baılanystyratynyn málimdegen.