Aqtóbede jergilikti turǵynnan 2 mln teńge qorqytyp alýǵa kúdikti úsh jas jigit ustaldy. Tergeý derekteri boıynsha, kúdiktiler aldymen jábirlenýshiniń uıaly telefonyn urlaǵan, al birneshe aıdan keıin odan iri kólemde aqsha talap etken, dep habarlaıdy infohub.kz saıty.
İshki ister mınıstrligindegilerdiń aıtýynsha, polısıaǵa jas jigit ózine qaýip tóndirip, 2 mln teńge berýdi talap etkeni týraly aryzben júgingen.
«Aldyn ala anyqtalǵandaı, 2025 jyldyń sońynda kúdiktiler jábirlenýshiniń telefonyn ıelengen. Keıin olar odan taǵy 2 mln teńge talap etken. Aqshany tapsyrý kezinde kúdiktiler polısıa qyzmetkerlerimen qylmys ústinde ustaldy», — dep málimdedi İİM-de.
Ustalǵandar — úsh jas jigit. Qazirgi ýaqytta qorqytyp alý faktisi boıynsha sotqa deıingi tergeý júrgizilýde.
Kúdiktilerdiń biriniń turǵylyqty jerinen tintý kezinde polıseıler travmatıkalyq tapansha, pyshaq jáne 16 kalıbrli tegis uńǵyly ańshylyq myltyqqa arnalǵan patrondy tárkiledi. Saraptamalar taǵaıyndaldy, nátıjeleri boıynsha quqyqtyq baǵa beriledi.
Tergeýshiler oqıǵanyń barlyq mán-jaıyn anyqtaýdy jalǵastyrýda.
Buǵan deıin «Kýrsıv» Jambyl oblysynda er adamnyń atylyp óltirilgenin jazǵan bolatyn. Polısıa derekterine súıensek, kisi óltirý faktisi boıynsha qylmystyq is qozǵalyp, kúdikti ustalyp, ýaqytsha ustaý ızolátoryna qamalǵan. Qaıtys bolǵan adamnyń týystary er adamǵa buǵan deıin birneshe ret qaýip tóndirilgenin aıtyp, obektıvti tergeý júrgizýdi suraǵan.