InfoHub Logo

Aqtóbe oblysynda aýyl ákimi Lázzat Berdibaevanyń qyzǵaldaqpen túsken fotosy áleýmettik jelide daý týǵyzdy. Muǵaljar aýdanyna qarasty Qudaıbergen Jubanov aýyldyq okrýginiń basshysy dala gúlin ustap túsken sýretin jelige jarıalaǵan.

Turǵyndar bul áreketti memlekettik qoryqtaǵy ósimdikti julýmen teń dep qabyldap, bılik ókiline zań aldynda jaýap berýin talap etti. Qyzǵaldaqtar – sırek kezdesetin jáne qorǵalatyn ósimdikter tizimine kiredi.

Al ákim óz áreketin túsindirip, gúldi qyzy syılaǵanyn, ári demalyp júrgen aýmaqta tyıym salynǵany týraly eskertý belgileri bolmaǵanyn aıtty.

Oblystyq Polısıa departamenti ákimniń gúldi ózi julyp alǵanyn naqtylaıtyn aıǵaqtyń joq ekenin habarlady. Qazir Muǵaljar aýdandyq polısıasy bul jaıtqa baılanysty tekserý júrgizip jatyr.