Aqtóbede jol qaýipsizdigi ortalyǵynyń basshysy 8 jylǵa sottaldy
Aqtóbede jol qozǵalysy jáne sıfrlyq qaýipsizdik salasyna jaýapty mekeme basshysy asa iri kólemde búdjet qarjysyn jymqyrǵany úshin bas bostandyǵynan aıyryldy.
Sybaılas jemqorlyqqa qarsy qyzmettiń málimetinshe, «Aqtóbe qalasynyń jol qozǵalysy jáne sıfrlyq tehnologıalar qaýipsizdigin qamtamasyz etý ortalyǵy» KMM dırektory A. Tilmaǵambetov jeke kásipkermen sóz baılasyp, jalǵan memlekettik satyp alý shartyn jasasqan. Saldarynan, oryndalmaǵan jumystar úshin 35 mıllıon teńge zańsyz tólengen.
Odan bólek, kúdikti jol tańbalaryn salý jumystary boıynsha da zań buza otyryp, 237 mln teńge búdjet qarjysyn ysyrap etken. Bul qarajat kepildik mindettemeler aıasynda tegin oryndalýy tıis edi.
Aqtóbe qalasynyń №2 soty Tilmaǵambetovti 8 jylǵa bas bostandyǵynan aıyryp, memlekettik qyzmetten ómir boıyna shettetti. Onyń sybaılasy A. Kýsýmov ta 7 jylǵa sottalyp, komersıalyq jáne memlekettik uıymdarda qyzmet etý quqyǵynan aıyryldy.
Aıta ketý kerek, úkim zańdy kúshine engen joq. Konstıtýsıa talaptaryna sáıkes, azamat sottyń zańdy úkimi shyqqanǵa deıin kinásiz dep tanylady.
You Might Also Like
-
Sherzat Bolattyń ólimine qatysty is qaralyp jatqan sot otyrysynda marqumnyń aǵasy Nurqanat Ǵaıypbaevtyń uıaly telefony urlanǵany belgili boldy.
-
Shymkent qalasy ákiminiń orynbasary Rýslan Berdenovke jasalǵan qarýly shabýyldan keıin sheneýnikke shuǵyl túrde ota jasalyp jatyr. Bul týraly onyń partıalasy Beıbit Álibekov Telegram-arnasynda habarlady.
