Arqalyq áýejaıy qurylys jumystary men sertıfıkattaý rásimderin aıaqtap, qyrkúıek aıynda turaqty reısterdi qabyldaı bastaıdy, dep habarlaıdy infohub.kz saıty.
Qostanaı oblysynyń ákimi Qumar Aqsaqalovtyń málimetinshe, áýejaı CRJ200 tıpti óńirlik jolaýshy ushaqtaryn qabyldaýǵa jáne qyzmet kórsetýge daıyn. Jańa baǵyttarda tasymaldaýshy retinde SCAT áýekompanıasy shyǵady.
«3 tamyzda áýejaı avıasıalyq qaýipsizdik qyzmetiniń sertıfıkatyn, 18 tamyzda «Qazaeronavıgasıanyń» aeronavıgasıalyq qyzmet kórsetýshi retinde sertıfıkatyn aldy. 21 tamyzda aerodromǵa jaramdylyq sertıfıkaty berildi», — dep jazdy ákim.
Alǵashqy reısti 22 tamyzda qabyldaý josparlanǵan, al 1 qyrkúıekten bastap turaqty reıster oryndala bastaıdy. Ushaqtar seısenbi jáne senbi kúnderi Almaty — Arqalyq — Qostanaı — Arqalyq — Astana — Arqalyq — Almaty baǵyty boıynsha ushady.
Arqalyq áýejaıynyń seısenbidegi kestesi: Almaty — Arqalyq: 08:50–10:50; Arqalyq — Qostanaı: 11:50–12:40; Qostanaı — Arqalyq: 13:40–14:30; Arqalyq — Astana: 15:30–16:20; Astana — Arqalyq: 17:50–18:40; Arqalyq — Almaty: 19:40–21:35.
Senbidegi keste: Almaty — Arqalyq: 08:40–10:40; Arqalyq — Qostanaı: 11:40–12:30; Qostanaı — Arqalyq: 13:30–14:20; Arqalyq — Astana: 15:15–16:05; Astana — Arqalyq: 17:35–18:25; Arqalyq — Almaty: 19:25–21:15.
Arqalyq áýejaıy 1990-jyldary jabylyp, ǵımarat uzaq ýaqyt boıy qaraýsyz qalǵan edi. Qazir áýejaı qalpyna keltirildi jáne resmı ashylýyna deıin áleýmettik jelilerde dızaıny úshin kóptegen oń pikirler aldy. Jańartylǵan áýejaıdyń qanshalyqty tıimdi jumys isteıtinin ýaqyt kórsetedi.
Buǵan deıin áýejaı AYK halyqaralyq kodyn qaıta alǵany habarlanǵan bolatyn.