Armenıa premer-mınıstri Nıkol Pashınán el úkimetiniń 2 tamyz, jeksenbi kúni otstavkaǵa ketetinin málimdedi. Bul – Ulttyq jınalystyń jańa shaqyrylymynyń qurylýyna baılanysty, dep habarlaıdy infohub.kz saıty.
«Izvestıa» gazetiniń armándyq News.am telearnasyna silteme jasaýynsha, Pashınán 30 shildedegi otyrysta bylaı degen: «Bul – bizdiń úkimettiń sońǵy otyrysy. Konstıtýsıa boıynsha, Ulttyq jınalystyń toǵyzynshy shaqyrylymy qurylýyna baılanysty biz otstavkaǵa ketemiz». Úkimet otstavkaǵa ketkennen keıin el prezıdenti premer-mınıstr etip parlamenttik kópshilik — bıleýshi «Azamattyq shart» partıasy usynǵan kandıdatty taǵaıyndaıdy.
Eske sala keteıik, 7 maýsymda Armenıada parlament saılaýy ótti. 8 maýsymda premer-mınıstr Nıkol Pashınán óz partıasy «Azamattyq sharttyń» saılaýdaǵy jeńisin jarıa etti. Sol kúni Qazaqstan prezıdenti Qasym-Jomart Toqaev Pashınándy partıasynyń jeńisimen quttyqtady.