Jetisý oblysyndaǵy «Kóktal» oqý polıgonynda Ortalyq Azıa óńiriniń ujymdyq jedel ornalastyrý kúshteriniń «Rýbej-2026» birlesken oqý-jattyǵýy bastaldy. Oǵan Qazaqstan, Qyrǵyzstan, Reseı jáne Tájikstan áskerı qyzmetshileri qatysyp jatyr, dep habarlaıdy infohub.kz saıty.
NUR.KZ Qorǵanys mınıstrligine silteme jasap habarlaǵandaı, Ujymdyq qaýipsizdik týraly shart uıymyna múshe elderdiń áskerıleri Jetisý oblysyndaǵy «Kóktal» polıgonynda birlesken daıyndyqqa kiristi.
Oqý-jattyǵý barysynda tórt eldiń áskerı qyzmetshileri birlesken daıyndyq, basqarý organdary men ulttyq kontıngentterdiń ózara is-qımyly máselelerin pysyqtaýda.
«Oqý-jattyǵý 13-18 qyrkúıek aralyǵynda Qazaqstan Respýblıkasy Qarýly kúshteriniń desanttyq-shabýyldaý áskerleriniń qolbasshysy polkovnık Mahsýt Gýseınovtyń basshylyǵymen ótip jatyr. Oǵan 1500-ge jýyq áskerı qyzmetshi jáne 115 ushqyshsyz ushý apparatyn qosa alǵanda, 300-den astam qarý-jaraq, áskerı jáne arnaıy tehnıka jumyldyryldy», — delingen qorǵanys vedomstvosynyń habarlamasynda.
Atalǵan vedomstvo praktıkalyq is-qımyldar taý-shóldi jer bederiniń erekshelikteri eskerile otyryp ótip jatqanyn jáne Qazaqstannyń Shekara qyzmeti men Ulttyq ulany bólimshelerimen ózara is-qımyldy kózdeıtinin atap ótti.
Buǵan deıin Qazaqstan Respýblıkasynyń Qorǵanys mınıstrligi qazaqstandyqtardy aldaǵy UQSHU oqý-jattyǵýy týraly eskertken bolatyn. Osyǵan baılanysty úsh óńirdegi joldarda áskerı tehnıka júredi.