Keshke Qazaqstan astanasynda kólik qozǵalysy turalap qaldy: 2GIS qosymshasy joldardyń eń joǵary — 10 baldyq júktemesin tirkedi, al aǵyn jyldamdyǵy eń tómengi deńgeıge tústi. Bul týraly infohub.kz saıty habarlaıdy.
Keptelis týraly aqparat «Astana — Chto? Gde? Kogda?» Telegram-arnasynda paıda boldy. Kýágerlerdiń aıtýynsha, qalanyń sol jaǵalaýy tutastaı turyp qalǵan: keptelis Týran, Syǵanaq, Dostyq, Qonaev kóshelerin, sondaı-aq Han Shatyr, Astana Operasy, Báıterek, Asia Park jáne Keruen aýdandaryn qamtydy.
2GIS qosymshasynyń derekteri rastaıdy: kóptegen kóshe qyzyl túspen belgilengen, bul magıstraldardyń shekten tys júktelgenin kórsetedi. Servıs qoldanýshylary emosıalyq pikirler qaldyrýda. «Jigitter, kepteliske kirmeńder», «Chıpsy ne semechke bar ma kimde?», «Jabyq», «Qaıda barasyńdar, alo?», «JKO», «Bul p...s», — dep jazady júrgizýshiler.
Eske salaıyq, birneshe kún buryn Memlekettik kúzet qyzmeti Astanada birqatar halyqaralyq saıası is-shara ótýine baılanysty 5–6 qazanda astananyń keıbir kóshelerinde kólik qozǵalysyna ýaqytsha shekteý engiziletinin eskertken bolatyn.
Aıtpaqshy, búgin keshke Qazaqstan Prezıdenti Qasym-Jomart Toqaev astana áýejaıynda Oman sultany Haısam ben Tarıq Ál Saıdty qarsy aldy.