Qazaqstan astanasynda jańa shaǵyn kórikti jer paıda boldy — XV ǵasyrda ómir súrgen uly ıtalıalyq ónertapqysh Leonardo da Vınchıdiń jobasy boıynsha salynǵan aǵash kópir. Onyń basty ereksheligi — shege men burandanyń joqtyǵy: qurylym dál ınjenerlik esepteýlerdiń, bólshekterdiń óz salmaǵynyń jáne úıkelis kúshiniń arqasynda turady, dep habarlaıdy infohub.kz saıty.
Astanovka98-diń habarlaýynsha, jobany zamanaýı qala jaǵdaıyna sáıkestendirgen sáýletshi Erkebulan Amantaı. Kópirdi jasaýǵa sheberler Gabdol men Ǵabıt Qarataevtar atsalysqan.
Mundaı kópirler álemniń ártúrli elderinde kezdesedi, biraq kóbinese olar sáýlet nemese bilim berý jobalary retinde jasalady. Eń tanymal mysal — Norvegıada, onda da Vınchı syzbalarynyń negizinde 2001 jyly jaıaý júrginshiler kópiri salynǵan.
Kópir uzyndyǵy jaǵynan túpnusqadan 100 metrge qysqa bolǵanymen, onyń qurylys prınsıpin tolyq saqtaıdy. Sol kezdegi qurylys $1,36 mln-ǵa baǵalanǵan.
Aıtpaqshy, ortaǵasyrlyq sheber týraly kóbirek bilgińiz kelse, Astanada da Vınchıge arnalǵan kórme jumys isteıdi. Ekspozısıa 30 qyrkúıekke deıin ashyq. Bıletterdi jeńildikpen Freedom Ticketon-nan satyp alýǵa bolady.
Buǵan deıin Kursiv LifeStyle astanada Q. Qýanyshbaev atyndaǵy teatrdyń artyndaǵy jańartylǵan skver ashylatynyn jazǵan. Ol bolashaq «Myńjyldyq» aleıasynyń bóligi bolady.