Qazaqstan astanasynda taǵy da qurylys krany qulady. Oqıǵa Nura aýdanyndaǵy salynyp jatqan turǵyn úı kesheniniń aýmaǵynda boldy, dep habarlaıdy infohub.kz saıty.
Astana polısıa departamentiniń málimetinshe, krannyń qulaýyna baılanysty qylmystyq is qozǵaldy. Oqıǵa saldarynan bir adam oqıǵa ornynda qaza tapty, al eki jaraqattanǵan aýrýhanaǵa jetkizilip, qajetti medısınalyq kómek kórsetilýde.
Qoǵamdyq densaýlyq saqtaý basqarmasynyń málimetinshe, munaraly kran №100 mekteptiń janyndaǵy salynyp jatqan ǵımarattyń mańynda, Kórǵaljyn tas jolynda qulaǵan. Oqıǵa ornyna jedel járdem brıgadalary keldi. Eki adam jaraqattarymen Ulttyq shuǵyl medısına úılestirý ortalyǵyna jetkizildi. Bir zardap shegýshiniń jaǵdaıy aýyr, ekinshi pasıent stasıonarda qajetti medısınalyq kómek alýda.
Qazirgi ýaqytta tergeý júrgizilip, oqıǵanyń barlyq mán-jaıy anyqtalýda.
Eske salaıyq, 27 tamyzda qurylys jumystary kezinde de qurylys krany qulap, saldarynan kran mashınısi qaza tapqan bolatyn.