Astanada ótken demalys kúnderi polısıa qyzmetkerleri mas kúıinde kólik tizgindegen 26 júrgizýshini anyqtady. Solardyń biri — elordanyń 43 jastaǵy turǵyny, dep habarlaıdy infohub.kz saıty.
Áıeldi tańǵy saǵat bes shamasynda Qorǵaljyn tasjolynda toqtatqan. Ol Chery kóligin tizgindep kele jatqan. Tekserý barysynda júrgizýshiniń mas kúıinde ekeni anyqtalǵan. Polısıa málimetinshe, ol merekelik dastarhannan qaıtyp kele jatqan.
Áıelge qatysty QR Ákimshilik kodeksiniń 608-babynyń 1-bóligi boıynsha hattama toltyrylǵan, dep habarlady Astana qalalyq polısıa departamenti. Sot isti qarap, oǵan kólik júrgizý quqyǵynan 7 jylǵa aıyrý jazasyn taǵaıyndady.
Jalpy, ótken demalys kúnderi polısıa qyzmetkerleri ishimdik iship, rúlge otyrǵan 26 júrgizýshini anyqtady. Astana qalalyq polısıa departamenti mas júrgizýshilerdi anyqtaýǵa baǵyttalǵan profılaktıkalyq jáne reıdtik jumystardy jalǵastyrýda, delingen vedomstvo habarlamasynda.
Polısıa elorda turǵyndaryn ishimdik ishkennen keıin rúlge otyrmaýǵa jáne basqalarǵa da jol bermeýge shaqyrdy. Masań kúıde kólik júrgizý júrgizýshiniń ózine de, jol qozǵalysynyń basqa qatysýshylaryna da úlken qaýip tóndiredi. Mundaı buzýshylyq Qazaqstan Respýblıkasynyń zańnamasyna sáıkes qatań jaýapkershilikke ákep soǵady, dep atap ótti polısıada.