Astanada polıseıler jergilikti turǵyn áıeldiń kóligin toqtatyp, salonynan tyıym salynǵan zattar salynǵan jol sómkesin tapty. Tárkilengen zattyń jalpy salmaǵy bir keliden asty, dep habarlaıdy infohub.kz saıty.
İshki ister mınıstrliginiń vedimistik saıty habarlaǵandaı, jedel is-sharalar barysynda Astanada tártip saqshylary kúdiktiniń basqarýyndaǵy kólikti toqtatty.
«Kólik salonynan jol sómkesi tabyldy, onyń ishinde aq tústi, untaq tárizdi zat quıylǵan 20 orama boldy. Bul zat — mefedron», — dep naqtylady quqyq qorǵaý organdary.
Sonymen qatar qyzdy jeke tintý kezinde uqsas zaty bar bir orama tabyldy. Kúdikti buryn tastap ketken taǵy úsh oramanyń ornyn da kórsetti.
Saraptama qorytyndysyna sáıkes, tárkilengen zat mefedron bolyp shyqty. Osy fakti boıynsha qylmystyq is qozǵaldy. Tabylǵannyń barlyǵy, jalpy salmaǵy bir keliden astam, tárkilendi.
«Esirtki quraldaryn saqtaý, tasymaldaý jáne taratý qylmystyq jaýapkershilikke ákep soǵady. Azamattardy beıjaı qaramaı, esirtkiniń zańsyz aınalymy týraly belgili bolǵan derekterdi polısıaǵa habarlaýǵa shaqyramyz», — dep eske saldy polısıada.