Astana polısıasy 29 shilde men 9 tamyz aralyǵynda elordada ótetin «Bolashaq oıyndary-2026» halyqaralyq týrnırine baılanysty kúsheıtilgen rejımge kóshedi, dep habarlaıdy infohub.kz.
Astana polısıa departamentiniń málimetinshe, 29 shilde men 9 tamyz aralyǵynda elordada «Bolashaq oıyndary-2026» halyqaralyq týrnıri ótedi. Sıfrlyq tehnologıalar men dástúrli sport túrlerin biriktiretin biregeı sharaǵa Qazaqstan astanasyna álemniń úzdik sportshylary, halyqaralyq delegasıalar, jankúıerler men týrıser keledi dep kútilýde.
Osyǵan baılanysty Astana polısıa departamenti kúsheıtilgen rejımge kóshedi. «Halyqaralyq is-shara ótetin búkil kezeńde polısıa qyzmetkerleri qoǵamdyq tártipti saqtaý, azamattardyń qaýipsizdigin qamtamasyz etý jáne quqyq buzýshylyqtardyń aldyn alý úshin táýlik boıy kúsheıtilgen rejımde jumys isteıdi», delingen polısıa habarlamasynda.
Sonymen qatar, jol qozǵalysy qaýipsizdigin qamtamasyz etýge erekshe kóńil bólinedi. Jarys ótetin oryndardyń mańyndaǵy qozǵalys retteledi. Keptelisterdi boldyrmaý, arnaıy tehnıkanyń kedergisiz júrýin qamtamasyz etý jáne jaıaý júrginshilerdiń qaýipsizdigin saqtaý úshin keshendi sharalar qabyldanady. Keıbir kóshelerde qozǵalysqa ýaqytsha shekteýler engizilýi múmkin.
Qala turǵyndary men qonaqtary qoǵamdyq tártipti saqtaýǵa, qaýipsizdik talaptaryn qatań ustanýǵa jáne polısıa qyzmetkerleriniń zańdy talaptaryn túsinistikpen qabyldaýǵa shaqyryldy.