Qazaqstan astanasynda N. Tlendıev dańǵylynyń bir bóliginde jol jumystaryna baılanysty kólik qozǵalysy ýaqytsha shekteledi. Shekteýler 7-12 tamyz aralyǵynda engiziledi, dep habarlaıdy infohub.kz saıty.
Astana qalalyq iKomek monıtorıń jáne jedel áreket etý ortalyǵynyń málimetinshe, dańǵyldyń Kóktal kóshesinen transporttyq aıryqqa deıingi bóliginde jol tóseminiń joǵarǵy qabaty tóseledi. Jumys júrgizý kezinde qozǵalys ishinara shektelip, kólik joldyń bir jaǵymen júredi.
Osyǵan baılanysty aǵymdaǵy jyldyń 7-12 tamyz aralyǵynda atalǵan ýchaskede qozǵalys ishinara jabylady. Bul rette kólik quraldarynyń qozǵalysy joldyń bir jaǵymen uıymdastyrylady. Júrgizýshiler men jaıaý júrginshilerdi marshrýttaryn aldyn ala josparlap, jol qozǵalysyn uıymdastyrýdaǵy yqtımal ózgeristerdi eskerýdi suraımyz, — delingen resmı habarlamada.
Qaýipsizdikti qamtamasyz etý jáne qolaısyzdyqtardy azaıtý úshin jol belgileri men kórsetkishter ornatylady.