Qazaqstan astanasynda vandalızm oqıǵalary jıilep, azamattar ákimshilik jaýapkershilikke tartylýda. Jyl basynan beri bóten múlikti qasaqana búldirgeni úshin 94 adam jaýapkershilikke tartyldy, onyń 67-si qamaýǵa alynsa, 27-si jalpy somasy 5 mıllıon teńgeden astam aıyppul tóledi, dep habarlaıdy infohub.kz.
Astana prokýratýrasy naqty mysaldar keltirdi. Máselen, 4 maýsymda er adam mas kúıinde polısıa bólimshesiniń kireberis esiginiń áınegin syndyryp, 90 myń teńge shyǵyn keltirgen. Osy úshin ol 10 táýlikke qamaýǵa alyndy.
Taǵy bir jaǵdaıda qalanyń 38 jastaǵy turǵyny Sheıh Kýnta Qajy meshitiniń ilýli turǵan belgilerin julyp alyp, jyrtyp, tastap ketken. Ol 15 táýlikke qamaýǵa alyndy.
20 mamyrda 20 jastaǵy astanalyq shlagbaýmdy qasaqana búldirgen. Oǵan 50 AEK mólsherinde aıyppul salyndy, bul 216 myń teńgeni quraıdy.
Prokýratýra mundaı áreketter úshin Ákimshilik quqyq buzýshylyq týraly kodekstiń 147-1-baby boıynsha jaýapkershilik qarastyrylǵanyn eske salady: 30 táýlikke deıin qamaý nemese 60 AEK (259 myń teńge) mólsherinde aıyppul. Vedomstvo azamattardy qoǵamdyq tártipti jáne bóten múlikti qurmetteýge shaqyrady.