Astanada 86 jastaǵy zeınetker Mels Moldaǵalıuly 30 jastaǵy fıtnes-jattyqtyrýshy Dıas Ábdirahmanovtyń shaqyrýyn qabyl alyp, bes jattyǵýdyń ekeýinde jeńiske jetti. Bul týraly infohub.kz saıty habarlaıdy.
Fıtnes-jattyqtyrýshy Dıas Ábdirahmanov óziniń salaýatty ómir saltyn ustanatyn 87 jastaǵy qartpen jarysqanyn kórsetetin vıdeo jarıalady. Olar bes jattyǵý oryndady: salmaqpen jáne salmaqsyz otjımanıe, tartylý jáne sporttyq snarádtarmen eńkeıtý. Nátıjesinde Dıas eki jattyǵýdy oryndaı almady, biraq muny tańdana moıyndady.
«Eski mektepten úırenemiz, Mels ataǵa 87 jas — kúshti elementterdi kórsetýge kedergi emes», — dep jazdy jattyqtyrýshy vıdeo sıpattamasynda.
Vıdeo 30 myńnan astam laık jınady. Pikirlerde paıdalanýshylar endi osy kisiniń kesirinen zeınet jasyn kóteretinin aıtyp ázildesedi, sondaı-aq onyń daıyndalýǵa ýaqyty kóbirek bolǵanyn atap ótedi. Astanalyqtar atany jattyqtyrýshy jáne matematıka muǵalimi retinde biletinderin jazady.
«Jas — bul jattyǵý úshin jaı ǵana san», «Mundaı ataǵa utylý uıat emes», «Jaraısyń, atashka, Dıas, osyndaı is-sharalar ótkizgenińe respekt. Jastar, úırenińder, sport — bul ómir jáne sulýlyq», «Melske 10 laık qalaı qoıýǵa bolady?» — dep qazaqstandyqtar tańdanady.
Buǵan deıin Kursiv LifeStyle Astanada er adamdardyń jaǵalaýǵa shynjyr jáne tastarmen jattyǵýǵa jınala bastaǵanyn jazǵan bolatyn. Olardyń jattyǵýlary túsirilgen vıdeo qyzdar tarapynan kóptegen pikir jınady.