Qazaqstan Úkimeti Astanada jańa mektep salýǵa arnaıy qordan 7 mlrd teńge bóldi. Jospar boıynsha, ol qazirgi tórt oqý ornynyń júktemesin azaıtýy tıis, dep habarlaıdy infohub.kz.
1,2 myń oqýshy ornyna shaqtalǵan jańa mektep elordanyń «Nura» aýdanynda salynyp jatyr. Qazirgi ýaqytta nysanda qurylys-montaj jumystary júrgizilýde. Mektep qurylysyn kelesi jyldyń sońyna deıin aıaqtaý ýáde etilgen.
Úkimette oqý ornyn salý qajettiligi demografıalyq ósimmen baılanysty ekenin atap ótti.
«Qurylys alańynda qazir 4 memlekettik mektep jumys isteıdi, alaıda oqýshy oryndarynyń tapshylyǵy saqtalýda. Jańa nysan elordadaǵy qoldanystaǵy bilim mekemelerine – №84, 85, 89 jáne 97 mektepterge júktemeni azaıtýǵa múmkindik beredi», — dep naqtylady úkimette.
Bılik ókilderi bilim salasynda barlyǵy 64,4 mlrd teńgege 17 jobany iske asyrý maquldanǵanyn eske saldy. Qarajat jańa bilim ınfraqurylymy nysandaryn salýǵa jáne balalar men jastardyń oqýyna zamanaýı jaǵdaı jasaýǵa jumsalady.