Astanada beınebaqylaý kameralary jas jigittiń aıaldama pavılonynyń shynysyn syndyryp, keıin marshrýttyq avtobýspen ketip qalǵanyn túsirip aldy. Buzaqyny anyqtap, jaýapkershilikke tartty, dep habarlaıdy infohub.kz saıty.
Astana qalalyq polısıa departamenti Instagram paraqshasynda málimdegendeı, oqıǵa Bógenbaı batyr dańǵylyndaǵy aıaldamalardyń birinde bolǵan. Buzaqy 17 jastaǵy jasóspirim bolyp shyqty.
«Keshki ýaqytta jasóspirim aıaldamada tanysymen birge turǵany anyqtaldy. Ol jerden ketip bara jatyp, aıaldama pavılonynyń shynysyna aıaǵymen soqqy jasap, ol synyp ketken. Sodan keıin jasóspirim dosymen birge marshrýttyq avtobýsqa otyryp, oqıǵa ornynan ketip qaldy», — dep sıpattady oqıǵany polısıada.
Jigit usaq buzaqylyq jasaǵany úshin ákimshilik jaýapkershilikke tartylǵany atap ótildi. İs materıaldary sotqa jiberildi.
Almaty polısıa departamentinde aıaldama pavılondary men qalalyq ınfraqurylymnyń basqa da nysandaryn búldirý quqyq buzýshylyq ekenin jáne zańnamada kózdelgen jaýapkershilikke ákep soǵatynyn eske saldy.