Astronomdar alǵash ret Qus jolynan tys jerde juldyzdyq aǵyndy tirkedi, bul qarańǵy materıany zertteýge jańa múmkindikter ashady, dep habarlaıdy infohub.kz.
Nıls Bor ınstıtýty men Danıa tehnıkalyq ýnıversıtetiniń ǵalymdary óte az jaryq shyǵaratyn UGC9050-Dw1 últradıffýzıalyq galaktıkasynda shar tárizdi shoǵyrdyń izin tapty. Iýlıa Kel Holm men Sara Pırson jetekshilik etken halyqaralyq zertteýshiler tobynyń nátıjeleri Nature jýrnalynda jarıalandy.
Juldyzdyq aǵyndar shoǵyrlardyń buzylýy kezinde paıda bolady jáne júıelerdiń dınamıkalyq tarıhy týraly aqparatty saqtaıdy. Buǵan deıin mundaı kúńgirt nysandardy tek bizdiń galaktıkamyzdyń ishinde baıqaýǵa bolatyn. Ǵalymdar bul ádisti ǵaryshtyń alys tereńdigin taldaýǵa jáne Álem massasynyń úlken bóligin quraıtyn qarańǵy materıanyń quramyn baǵalaýǵa qoldanýǵa bolatynyn dáleldedi.
Taldaý UGC9050-Dw1 quramynda qarańǵy materıanyń alyp kólemi bar ekenin kórsetti. Avtorlar Euclid jáne Nancy Grace Roman teleskoptary mundaı aǵyndardy izdeýdi keńeıtip, galaktıkalardyń evolúsıasy týraly jańa derekter alýǵa múmkindik beredi dep esepteıdi.