Atyraýda ata-anasynyń aıtýynsha, 12 jasar oqýshy qyzǵa jábir kórsetken er adam izdestirilýde. Olar polısıaǵa júginip, beınebaqylaý kameralarynyń jazbasyn tapsyrdy, dep habarlaıdy infohub.kz saıty.
Qyzdyń ata-anasynyń aıtýynsha, er adam oqýshy qyzdyń ózine аlkogól satyp alyp, ony erninen súıýin talap etken. Oqıǵadan keıin olar polısıaǵa aryz jazyp, quqyq qorǵaý organdaryna beınebaqylaý kameralarynyń jazbasyn usynǵan.
«Ol ony qorqytty, aıǵaılady, agressıvti minez kórsetti. Oǵan аlkogól satyp alýdy talap etti. Qyzym: "Jaraıdy, tek meni jiberińiz, dúkenge baraıyq" dep jaýap berdi. Ol sol jerden kómek suraýǵa úmittendi. Olar toqtaǵan kezde, ol onyń erninen súıýin talap etti. Ony ózine tarta bastady. Sol sátte qyzym onyń shashynan ustap aldy, ol qushaǵyn bosatyp jiberdi, al qyzym bosanyp, qashyp ketti», — dedi anasy Balaýsa Oteýova.
Aıta keteıik, bári jeksenbi kúni keshki saǵat 10 shamasynda bolǵan. Oqýshy qyz oıyn alańynan úıine qaıtyp kele jatqanda, oǵan beıtanys er adam jaqyndaǵan. Týystarynyń senimi boıynsha, eger bala qashyp qutylmaǵanda, bári jynystyq zorlyqpen aıaqtalýy múmkin edi. Er adam, shamasy, mas jáne óte agressıvti bolǵan. Qyzynyń áńgimesin estigen ata-ana dereý polısıaǵa júgingen. Oqıǵadan keıin qyz úıden shyǵýǵa qorqady, deıdi eresekter. Polısıa bólimshesinde bárin anyqtap, óte ustamdy túrde túsinikteme berýde.
«Oqıǵa faktisi boıynsha qylmystyq is qozǵaldy. Qazirgi ýaqytta kúdiktiniń jeke basyn anyqtaý jáne ustaý boıynsha jedel-izdestirý is-sharalary júrgizilýde», — dep habarlady Atyraý oblysy polısıa departamentinen.