Bolat Aqshulaqovpen birge Atyraý oblysynyń ákimi laýazymyna taǵy kimder úmitker bolǵany belgili boldy, dep habarlaıdy infohub.kz.
Prezıdent Qasym-Jomart Toqaevtyń tapsyrmasy boıynsha premer-mınıstr Oljas Bektenov pen Prezıdent Ákimshiliginiń basshysy Roman Sklár Atyraý oblysy máslıhattarynyń depýtattarynyń jınalysyna qatysty. Roman Sklár depýtattarǵa prezıdenttiń ákim laýazymyna eki kandıdat usynǵan hatyn oqyp berdi: «KAZENERGY» munaı-gaz jáne energetıka kesheni uıymdarynyń qazaqstandyq qaýymdastyǵy» zańdy tulǵalar birlestiginiń tóraǵasy Bolat Aqshulaqov jáne Atyraý oblysy ákiminiń orynbasary Daryn Shamýratov.
Ashyq daýys berý qorytyndysy boıynsha 101 depýtattyń 83-i Bolat Aqshulaqovqa daýys berdi. Daryn Shamýratovtyń kandıdatýrasyna 18 depýtat daýys berdi. Prezıdenttiń tıisti jarlyǵymen Atyraý oblysynyń ákimi bolyp Bolat Aqshulaqov taǵaıyndaldy.
Oblys aktıvimen kezdesýde premer-mınıstr Serik Shapkenovty oblysty tórt jyl basqarǵan kezeńdegi óńirdiń damýyna qosqan úlesi úshin alǵys aıtyp, jańa ákimdi tanystyrdy. Aldyn ala habarlanǵandaı, 17 shildede máslıhat depýtattarynyń taǵaıyndaýǵa kelisim berý úshin jınalysy ótedi. Serik Shapkenov oblys basshysy laýazymynan bosatylyp, onyń ornyna Bolat Aqshulaqov keldi.