Atyraý munaı óńdeý zaýytynyń (AMÓZ) bas dırektory bolyp Muratjan Musaıbekov taǵaıyndaldy, dep habarlaıdy infohub.kz saıty.
«QazMunaıGaz» ulttyq kompanıasynyń resmı Telegram-arnasynda habarlanǵandaı, Musaıbekov Muratjan Júnisbekulyn «Atyraý munaı óńdeý zaýyty» JSHS (AMÓZ JSHS) qatysýshylarynyń kezekten tys jalpy jınalysynda bas dırektor (basqarma tóraǵasy) laýazymyna taǵaıyndaý týraly sheshim qabyldandy.
Jańa basshyny ujymǵa «QazMunaıGaz» AQ basqarma tóraǵasynyń orynbasary Áset Maǵaýov tanystyrdy. Musaıbekov ár jyldary «QazMunaıGaz» AQ júıesinde ártúrli qyzmetter atqarǵan. Ol KMG-nyń munaı-gaz óńdeý jáne munaı-hımıa jobalaryn iske asyrý jónindegi dırektory, munaı óńdeý jónindegi basqarýshy dırektory, «QazMunaıGaz – óńdeý jáne marketıń» AQ bas dırektorynyń orynbasary, «KPI Inc.» JSHS basqarma tóraǵasynyń birinshi orynbasary, sondaı-aq basqa da memlekettik jáne jeke qurylymdarda qyzmet etken.
KMG basshylyǵy AMÓZ aldyna operasıalyq tıimdilikti arttyrý, ashyq tústi munaı ónimderiniń shyǵymdylyǵyn ulǵaıtý, óndiristik prosesterdiń senimdiligi men energıa tıimdiligin arttyrý, ekologıalyq jobalardy odan ári iske asyrý, sondaı-aq jumysshylarǵa qolaıly jáne qaýipsiz jaǵdaı jasaý boıynsha naqty mindetter qoıdy. Zaýyttyń turaqty jáne úzdiksiz jumysynyń mańyzdylyǵy atap ótildi.
«Atyraý munaı óńdeý zaýyty» JSHS qatysýshylarynyń kezekten tys jalpy jınalysynyń sheshimimen burynǵy bas dırektor (basqarma tóraǵasy) Bıshımov Qýanysh Erdáýletulynyń ókilettigi toqtatyldy.