Atyraýda kámeletke tolmaǵandar isi jónindegi polısıa ınspektory turǵyn úıdiń janyndaǵy órtti baıqap, adamdardy jedel evakýasıalap, yqtımal qaıǵyly oqıǵanyń aldyn aldy, dep habarlaıdy infohub.kz saıty.
Oqıǵa M. Átemisuly kóshesindegi úıdiń aýlasynda boldy. Onda elektr jelisine tıip turǵan aǵash butaqtary órtenip ketken. Atyraý qalalyq polısıa basqarmasynyń kámeletke tolmaǵandar isi jónindegi ınspektory Maksım Doskalıev janynan ótip bara jatyp, qaýipti birden baǵalady.
«QR İİM jańalyqtary» Telegram-arnasynda habarlanǵandaı, polıseı birden úıge kirip, adamdardy kóshege shyǵardy. Turǵyndardy qaýipsiz jerge evakýasıalaǵan soń, Maksım Doskalıev órt sóndirý qyzmetin shaqyrdy jáne mamandar kelgenshe ahýaldy baqylap, adamdardy qaýipti aımaqqa jibermedi.
«Polıseıdiń sergektigi men ýaqytynda qabyldanǵan sheshimniń arqasynda turǵyndar qaýipsiz jerge evakýasıalandy, bul yqtımal saldardyń aldyn alýǵa múmkindik berdi», — delingen İİM habarlamasynda.
Vedomstvo sondaı-aq ınspektor órt sóndirýshiler kelgenge deıin oqıǵa ornynda qaýipsizdikti qamtamasyz etip, adamdardy qaýipti aımaqqa jibermegenin atap ótti.