Áleýmettik jelilerde Atyraýdaǵy turǵyn úıdiń aýlasynda er adamnyń áıeldi uryp-soqqan vıdeosy taralýda. Oqıǵaǵa oblystyq polısıa departamenti túsinikteme berdi, dep habarlaıdy infohub.kz saıty.
Kadrlarda er adamnyń oryndyqta otyrǵan áıelge jaqyndap, betinen urǵany kórinedi. Ol turǵan kezde judyryǵymen basynan urady. Atyraý oblysy PD málimetinshe, 2026 jylǵy 6 tamyzda Nursaıa shaǵyn aýdanyndaǵy úıdiń aýlasynda jubaılar arasynda turmystyq janjal bolǵan. Oqıǵa ornyna kelgen polısıa qyzmetkerleri janjalǵa qatysýshylardy anyqtaǵan.
Tekserý barysynda 1993 jyly týǵan er adamnyń zańdy nekede turǵan 1995 jyly týǵan áıeldi uryp-soqqany anyqtaldy. Jábirlenýshi shaǵymdanbaǵanyna qaramastan, quqyq buzýshyǵa qatysty qorǵaý nusqamasy shyǵaryldy. Sondaı-aq, turǵylyqty jeri boıynsha ýaqytsha tirkeýdiń bolmaýyna baılanysty ÁQBtK-niń 492-babynyń 1-bóligi boıynsha hattama toltyryldy.
Nazar aýdaryńyz! Vıdeoda zorlyq-zombylyq kórinisteri bar. Rolıkti kámeletke tolmaǵandarǵa, psıhıkasy turaqsyz adamdarǵa jáne júkti áıelderge kórý usynylmaıdy.