Beısenbi, 22 tamyzda Qazaqstannyń jeti qalasynda aýanyń lastanýyna yqpal etetin qolaısyz meteorologıalyq jaǵdaılar kútilýde. infohub.kz saıtynyń habarlaýynsha, «Qazgıdromet» derekterine sáıkes, táýekel aımaǵyna Qaraǵandy, Jezqazǵan, Balqash, Temirtaý, Almaty, sondaı-aq túngi ýaqytta Astana men Atyraý kiredi.
Qolaısyz meteorologıalyq jaǵdaılar (QMJ) — tymyq aýa raıy, álsiz jel, tuman jáne ınversıa sıaqty qysqa merzimdi meteorologıalyq faktorlardyń jıyntyǵy, olar zıandy zattardyń jer betine jaqyn qabatta jınalýyna yqpal etedi. QMJ paıda bolǵan kezde eldi mekenderde aýa sapasynyń nasharlaýy múmkin. Lastaný deńgeıin anyqtaıtyn negizgi faktorlardyń biri — jel, jaýyn-shashyn, ylǵaldylyq pen aýa temperatýrasyn qamtıtyn sınoptıkalyq jaǵdaıdyń boljamy.
Qolaısyz meteorologıalyq jaǵdaılarǵa baılanysty mamandar ashyq aýada, ásirese avtokólik joldarynyń jáne basqa da lastaý kózderiniń janynda bolý ýaqytyn qysqartýdy usynady. Balalar men júkti áıelderge uzaq serýendeýden bas tartý kerek. Ókpeniń sozylmaly aýrýlarymen, júrek-qan tamyrlary jáne alergıalyq aýrýlarmen aýyratyn adamdarǵa dári-dármekterin ózimen birge alyp júrý qajet. Sondaı-aq ashyq aýada fızıkalyq júktemeni shekteý, al dene shynyqtyrý jáne sportpen jabyq sport keshenderinde aınalysý usynylady.