«Qazgıdromet» RMK mamandary Qazaqstannyń birneshe qalasynyń turǵyndaryn 28 tamyz, juma kúni qolaısyz meteorologıalyq jaǵdaılar (QMJ) týraly eskertti, dep habarlaıdy infohub.kz saıty.
Sınoptıkterdiń málimetinshe, QMJ Almaty, Aqtóbe, Balqash qalalarynda, al túnde Atyraý, Qaraǵandy jáne Temirtaýda kútiledi.
Qolaısyz meteorologıalyq jaǵdaılar — bul atmosferanyń jer betine jaqyn qabatynda zıandy (lastaýshy) zattardyń jınalýyna yqpal etetin qysqa merzimdi meteorologıalyq faktorlardyń (tymyq, álsiz jel, tuman, ınversıa) jıyntyǵy.
QMJ paıda bolǵan kezde eldi mekenderde atmosferalyq aýa sapasynyń nasharlaýy múmkin, bul adam densaýlyǵyna áser etedi.
Lastaný deńgeıiniń qalyptasýyn anyqtaıtyn mańyzdy faktorlardyń biri — sınoptıkalyq jaǵdaıdyń (jel, jaýyn-shashyn, ylǵaldylyq, aýa temperatýrasy) boljamy.
Buǵan deıin «Kýrsıv» sınoptıkterdiń 28 tamyz, juma kúnine daýyldy eskertý taratqanyn jazǵan bolatyn.
«Qazgıdromet» boljamy boıynsha, 28 tamyzda Qazaqstan aýmaǵynyń basym bóliginde jaýyn-shashynsyz aýa raıy kútiledi. Sonymen qatar, eldiń soltústik-batysynda, soltústiginde jáne soltústik-shyǵysynda naızaǵaımen jańbyr jaýady. Soltústikte túnde qatty jańbyr, keıbir aýdandarda burshaq jaýýy múmkin.
Respýblıka boıynsha jeldiń kúsheıýi boljanady. Ońtústikte shańdy daýyl múmkin. Soltústikte, shyǵysta jáne el ortalyǵynda túnde jáne tańerteń tuman kútiledi.