2026 jyldyń alǵashqy alty aıynda Qazaqstanda avtokólik bólshekteri men kerek-jaraqtaryn óndirý kólemi 327,8 mln teńgeni qurady, bul ótken jyldyń osy kezeńimen salystyrǵanda 52,7%-ǵa artyq. Bul týraly infohub.kz saıty habarlaıdy.
Avtokólik bólshekteri men jınaqtaýyshtaryn óndirý senimdi ósimdi kórsetýde: jarty jylda 327,8 mln teńgege ónim shyǵaryldy, bul byltyrǵydan 52,7%-ǵa kóp. Aıta keterligi, osy kezeńdegi óndiris kólemi 2025 jyldaǵy jalpy kórsetkishtiń 83%-yn qurady.
Ósim salaǵa ótken jyly baıqalǵan tómendeýdiń edáýir bóligin óteýge múmkindik berdi. Ótken jyly óndiris kólemi 395,1 mln teńgeni quraǵan edi. Salystyrý úshin: 2020 jyly avtokólik jınaqtaýyshtaryn óndirý 76,5 mln teńge, al 2021 jyly 139,1 mln teńge dep baǵalandy.
Komponenttik bazanyń damýy tek resmı statısıkada kórsetilgen ónimmen ǵana shektelmeıdi. Qazaqstandyq kásiporyndar avtokólik oryndyqtaryn, mýltımedıalyq júıelerdi, dybys óshirgishterdi, bamperlerdi, otyn jáne tejegish tútikshelerin, dóńgelek dıskilerin, shınalardy, akýmýlátorlardy, plasık elementterdi, eden jabyndaryn jáne elektr symdaryn shyǵarýdy ıgerýde.
Eń iri jobalardyń biri – Qostanaı oblysynda lokalızasıa ortalyǵyn qurý bolmaq. Jobanyń quny 67,2 mlrd teńgeni quraıdy. İske qosylǵannan keıin kásiporyn jylyna 60 myńǵa deıin avtokólik komponentteriniń jıyntyǵyn shyǵara alady jáne 600 jańa jumys ornyn qurýdy qamtamasyz etedi.
Jergilikti óndiristi damytý Almatyda da jalǵasýda. Astana Motors kompanıasy 16 mlrd teńge ınvestısıa kólemimen avtokomponentter shyǵarý boıynsha óz klasterin qurýda. Joba mýltımedıalyq júıelerdi, avtokólik oryndyqtaryn, jylytý jáne aýa baptaý júıelerin, jabyndardy, dybys óshirgishterdi, tútiksheler men sym shoǵyrlaryn óndirýdi kózdeıdi. Kompanıanyń baǵalaýynsha, osy jobalardy júzege asyrý aldaǵy bes-jeti jyl ishinde Qazaqstanda avtokólik óndirisiniń lokalızasıa deńgeıin 51%-ǵa deıin arttyrýǵa múmkindik beredi.