Jyl basynan beri Qazaqstanda áleýmettik mańyzy bar azyq-túlik baǵasy nebári 1,4%-ǵa ósti, al byltyrǵy jyldyń sáıkes kezeńinde bul kórsetkish 7,9% bolǵan edi. Osylaısha, baǵa ósý qarqyny shamamen bes ese baıaýlaǵan, dep habarlaıdy infohub.kz.
Saýda jáne ıntegrasıa mınıstrliginiń málimetinshe, shilde aıynyń qorytyndysy boıynsha azyq-túlik ınflásıasy ótken jyldyń jeltoqsanyndaǵy 13,5%-ben salystyrǵanda 10,1%-ǵa tómendegen. Vedomstvonyń aıtýynsha, mundaı dınamıkaǵa kókónisterdiń maýsymdyq túsýi áser etken, bul jalpy ındeksin ustap turýǵa jáne jekelegen taýarlar baǵasynyń ósýin óteýge múmkindik beredi.
Tamyz aıynyń basynan bastap áleýmettik mańyzy bar azyq-túlik baǵasy tipti 0,2%-ǵa tómendedi. Bul Premer-mınıstrdiń orynbasary Serik Jumanǵarınniń tapsyrmasy boıynsha júzege asyrylyp jatqan sharalar kesheniniń arqasynda múmkin boldy. Atap aıtqanda, naryqtar, jetkizý tizbekteri men jaldaý sharttaryna taldaý júrgizilýde, tizbekterden artyq deldaldar alynyp tastalýda.
Kólik shyǵyndaryn azaıtý úshin azyq-túlik tasymalyna temirjol tarıfterine jeńildik qarastyrylǵan. Sonymen qatar, áleýmettik mańyzy bar ónimderdi óndirýshiler úshin elektr energıasy tarıfteri 20%-ǵa tómendetilgen.
Sonymen qatar, turaqtandyrý qorlarynyń jumys mehanızmi qaıta qaralýda. Tásil ónimdi jaı satyp alý men qarajatty ıgerýden naqty nátıjeni – baǵaǵa áserin baǵalaýǵa qaraı ózgertiletin bolady.