2026 jyldyń 16 tamyzynan bastap Almatydaǵy Úlken Almaty aınalma avtojolymen (BAQAD) júrý aqysy eki ese ósti. Kólik mınıstrligi jańa tarıfterdi bekitip, sonymen qatar jol aqysyn aldyn ala nemese jol júrgennen keıin jeti jumys kúni ishinde tóleıtinderge 50 paıyzdyq jeńildik qarastyrdy, dep habarlaıdy infohub.kz saıty.
Endi jeńil kólikter úshin tarıf 0,07 AEK-ten 0,14 AEK-ke deıin ósti, bul bir saǵatqa deıingi jol júrý úshin 605,5 teńgeni quraıdy. Kóliktiń basqa sanattary úshin kelesi stavkalar belgilendi: 16 orynǵa deıingi avtobýstar men salmaǵy 2,5 tonnaǵa deıingi júk kólikteri — 692 teńge; 32 orynǵa deıingi avtobýstar men 5,5 tonnaǵa deıingi júk kólikteri — 1 211 teńge; 32 orynnan asatyn avtobýstar men 10 tonnaǵa deıingi júk kólikteri — 1 384 teńge; salmaǵy 10–15 tonna júk kólikteri — 1 730 teńge; salmaǵy 15 tonnadan asatyn kólik quraldary, onyń ishinde avtopoıyzdar men sedelka tartqyshtar — 1 903 teńge.
Aıta ketý kerek, tarıf kólik quralynyń sanatyna jáne aqyly ýchaskede bolý ýaqytyna baılanysty, biraq júrip ótken qashyqtyqqa baılanysty emes.
Almaty oblysynyń Talǵar, Qarasaı jáne İle aýdandarynyń turǵyndary úshin aılyq jáne jyldyq abonementter satyp alý múmkindigi saqtalǵan. Jeńil kólikter úshin aılyq abonement 2 162,5 teńgeni, jyldyq abonement 21 625 teńgeni quraıdy. Kóliktiń basqa sanattary úshin abonement quny kólik túrine baılanysty aıyna 2 595 teńgeden 10 812,5 teńgege deıin, jylyna 25 950 teńgeden 108 125 teńgege deıin ózgeredi.
Jańa tólem júıesi júrgizýshilerge aldyn ala tólem (aqyly ýchaskege kirgenge deıin) nemese jol júrý tirkelgennen keıin jeti jumys kúni ishinde postoplata jasaǵan kezde belgilengen tarıften eki ese az tóleýge múmkindik beredi. Segizinshi kúnnen bastap qaryz jeńildiksiz tolyq kólemde óteledi.
Jeke tulǵalar jol aqysyn Kaspi Bank, Halyk Bank jáne Bank SentrKredıt mobıldi qosymshalary arqyly, sondaı-aq BAQAD portaly arqyly bank kartasymen nemese basqa qoljetimdi tásildermen tóleı alady. Qosymsha aqparatty 2277 baılanys ortalyǵynyń telefony arqyly alýǵa bolady.