2026 jyldyń basynan bastap Qazaqstanda bank qyzmeti týraly jańa zań kúshine endi, ol bankterdi eki sanatqa bóldi: ámbebap jáne bazalyq lısenzıasy barlar. Bazalyq lısenzıa jańa bankterdi ashýdy jeńildetedi, biraq operasıalarǵa shekteýler engizedi. Atap aıtqanda, 13 qyrkúıekten bastap bazalyq lısenzıasy bar bankterde jeke tulǵalardyń depozıtteriniń maksımaldy somasyn shekteıtin qaýly kúshine enedi: teńgemen jınaq salymdary — 20 mln-ǵa deıin, basqa depozıtter men aǵymdaǵy shottar — 10 mln-ǵa deıin, valútalyq salymdar — 5 mln teńgege deıin. Bul rette osyndaı bir banktegi barlyq shottar boıynsha jıyntyq qaldyq 20 mln teńgeden aspaýy tıis. Degenmen ámbebap lısenzıasy bar bankterde mundaı shekteýler joq, dep habarlaıdy infohub.kz saıty.
Jańa erejeler salymshylardyń kópshiligine áser etpeıdi. «Ýchet» portalynyń atap ótýinshe, bazalyq lısenzıa jańa jáne shaǵyn bankterge arnalǵan, al Qazaqstandaǵy barlyq jumys istep turǵan bankterdiń ámbebap lısenzıasy bar. Olardyń qatarynda: Freedom Bank, Halyk Bank, Kaspi Bank, Alatau City Bank, ForteBank, KMF Bank, Altyn Bank, Bank RBK, «Otbasy bank», «Sıtıbank Kazahstan», «Kazahstan-Zıraat Interneshnl Bank», «Evrazıskı bank», «Bank Kıtaıa v Kazahstane», «Shınhan Bank Kazahstan», «Bank SentrKredıt», «Nýrbank», Bank VTB jáne basqalar. Qalǵan bankter qazirgi ýaqytta lısenzıalaryn ámbebapqa qaıta rásimdeýde.
Osylaısha, tek bazalyq lısenzıasy bar bankter shektelgen maksımaldy somalary bar depozıtterdi usynatyn bolady, alaıda qazirgi ýaqytta elde mundaı bankter joq.