Eýropalyq klımat agenttigi Copernicus málimetinshe, bıylǵy jazda Batys Eýropadaǵy ystyq tolqyndar maýsym-shilde aılaryndaǵy ortasha temperatýra boıynsha 2022 jyly belgilengen rekordty jańartty.
Tótenshe ystyq mamyr aıynda bastalyp, aımaqta iri orman órtterine, uzaqqa sozylǵan qýańshylyqqa jáne jańa ulttyq temperatýra rekordtaryna, sondaı-aq myńdaǵan ystyqqa baılanysty qaza bolý jaǵdaılaryna sebep boldy.
Klımattyq statısıkaǵa súıensek, jalpy álem boıynsha bıylǵy jyl úshinshi jyly jyl bolyp tur, 2024 jáne 2025 jyldardan keıin. Biraq 2026 jyl áli de alǵa shyǵa alady. Adam áreketinen údeı túsken jahandyq jylyný men kúsheıgen El-Nıno qubylysynyń birlesken áserinen jyl sońyna qaraı 2026 jyldyń eń ystyq jyl atanýy yqtımaldyǵy artyp otyr, dep esepteıdi ǵalymdar. Bul jaǵdaıda 2024 jyldy basyp ozýy nemese kem degende oǵan jaqyndaýy múmkin.
Copernicus málimetinshe, ótken aıda polús mańyndaǵy muzsyz muhıttarda shilde aıyndaǵy eń joǵary ortasha betki temperatýra tirkeldi. Buǵan ishinara ekvatorlyq Tynyq muhıttaǵy El-Nıno qubylysynyń damýy sebep bolǵan. Shildedegi jańa ortasha rekord 20,96 gradýs Selsıdi qurady, bul 2023 jylǵy 20,89 gradýs Selsı rekordynan asyp tústi.
Al ótken aıdaǵy jahandyq ortasha betki aýa temperatýrasy 16,90°C boldy, bul shilde aılary arasynda 2024 jylmen teń túsip, ekinshi orynda tur, dep habarlady Copernicus.
Batys Eýropada maýsym-shilde aılaryndaǵy ortasha temperatýra rekordy 21,62°C-qa jetti, dep málimdedi Copernicus.
«Turaqty joǵary qysymdy aımaqtar Batys Eýropada jylýdy ustap turdy, tótenshe temperatýra keń taralǵan qýańshylyqty kúsheıtti. Topyraq qurǵaǵan saıyn ol tabıǵı salqyndatý qabiletin joǵaltady, bul jylýdyń odan ári jınalýyna múmkindik beredi», — dedi Eýropalyq orta merzimdi aýa raıy boljamdary ortalyǵynyń klımat jónindegi strategıalyq jetekshisi Samanta Berdjess. «Bul klımattyń ózgerýi ystyqtyń kúsheıýine qalaı áser etetininiń aıqyn mysaly, munda ystyq pen qýańshylyq birin-biri kúsheıtedi».