Kanadalyq neırobıologtar tek bir tilde sóıleıtin adamdarmen salystyrǵanda, bılıngvter men polıglottardyń mıynyń aq zatynyń sapasy joǵary ekenin anyqtady, dep habarlaıdy infohub.kz saıty.
Makgıll ýnıversıteti men Monreal nevrologıa ınstıtýtynyń ǵalymdary zertteý nátıjelerin "Nature Communications" jýrnalynda jarıalady. Neırobıologtar balalyq shaqtan 80-90 jasqa deıin baqylanǵan 469 qatysýshynyń magnıtti-rezonanstyq tomografıa derekterin taldady.
Mamandar eki nemese odan da kóp tildi únemi qoldaný neıroplastıkany yntalandyryp, mıdyń aq zatyn jasqa baılanysty degradasıadan qorǵaıtynyn anyqtady. Birneshe tildi meńgerý kognıtıvtik rezervti damytyp, júıke talshyqtarynyń zaqymdaný qaýpin azaıtady.
Doktor Neıtan Sprıng jetekshilik etken jumys avtorlarynyń dereginshe, kognıtıvtik artyqshylyqtar adamnyń ekinshi tildi úırengen jasyna qaramastan kórinedi. Neırobıologtar bılıngvızm neırodegeneratıvti patologıalardy tolyǵymen boldyrmaıtynyn, biraq mıǵa zaqymdanýdy uzaq ýaqyt óteýge kómektesetinin atap ótedi. Nátıjesinde polıglottarda demensıanyń alǵashqy klınıkalyq belgileri orta eseppen 4-5 jyl kesh baıqalady.