Qazaqstan Ulttyq bankiniń tóraǵasy Tımýr Sýleımenov elimizdiń bankteri Biryńǵaı bankaralyq QR-kodty qurýǵa múddeli bolmaǵanyn málimdedi, dep habarlaıdy infohub.kz.
Onyń aıtýynsha, árbir iri bank klıentterdiń dál óziniń ınfraqurylymyn paıdalanýyna umtyldy. «Bankter múldem biryńǵaı QR bolǵanyn qalamaıdy. Ár bank tek óziniń ınfraqurylymy men ekojúıesi bolǵanyn qalaıdy», – dedi Sýleımenov.
Ulttyq bank basshysy mundaı ustanym bıznes úshin tabıǵı ekenin, óıtkeni bankter klıentterdi óz qyzmetteriniń ishinde ustap qalýǵa umtylatynyn aıtty. Ol dál osy sebepti Ulttyq bank Biryńǵaı QR-dy qurýdy qoldaǵanyn atap ótti.
Qorytyndylaı kele, Ulttyq bank tóraǵasy iri bankter júıeni iske qosýdy qoldaǵanyn atap ótti. Sonymen birge, Biryńǵaı QR-dy qoldaný tarıfteri men sharttary joba damyǵan saıyn talqylanatyn bolady.
Buǵan deıin Ulttyq bank Biryńǵaı QR boıynsha komısıalardy tómendetýge qol jetkizýdi kózdeıtini belgili boldy.