Trenıń taqyryby: Biz - birgemiz, berik irgemiz.
Sabaqtyń maqsaty: oqýshylar arasyndaǵy baılanysty nyǵaıta otyryp, birin - biri keńirek tanyp bilýge, qatysýshylardyń óz múmkindikterin shamalaýǵa jáne qys mezgilindegi sharshaǵandyqtaryn tómendetip, kóńil kúılerin kóterý.

1 - jattyǵý
Amandasý jattyǵýy
Qol alysyp amandasý jattyǵýy tek erekshe tásilmen. Ol bylaı júzege asyrylady: qatysýshy eki qolymen bir ýaqytta amandasýy tıis, bir qolyńdy tek amandasatyn qatysýshyny tapqan kezde ǵana jiberýge bolady. Oıyn únsiz ári tez oryndalýy kerek.
Jattyǵýdyń maqsaty: Qatysýshylar arasynda baılanys ornatý. Qol alysyp amandasý – adam kóńiliniń keńdiginiń sımvoldyq belgisi. Jattyǵý únsiz oryndalatyndyqtan baılanys kóz arqyly júzege asyrylady bul ishki jaǵymdy baılanysty nyǵaıtady.

2 - jattyǵý
Qatysýshylar sheńber quryp otyrady.
«Kim jyldam» jattyǵýy
Qatysýshylar sheńber quryp otyrady. «Aýa, sý, jer» degen sózdi aıta otyryp, dopty bir - birine laqtyrady. Dopty qaǵyp alǵan adam «aýa» degen sózdi estigen adam qustardyń, «sý» degen sózdi estigen kezde balyqtardyń, «jer» degende ańdardyń attaryn aıtýy tıis. Oıyn shapshań oınalýy tıis.
Jattyǵýdyń maqsaty: oqýshynyń oılaý qabiletin jaqsartý jáne shapshańdyqqa synaý.

3 - jattyǵý
«Bir ótirik, bir shyndyq» jattyǵýy
Júrý barysy: Qazir biz ózimiz bir shyndyq pen bir ótirik óz oıymyzdy aıtamyz. Mysaly: Men muǵalimmin jáne de meniń ushaǵym bar. Óz oıymyzdy erkin boljamsyz jetkizýimiz qajet.
Taldaý: Shyndyq bul bizdiń qazirgi is - áreketimiz, qazirgi bizdiń beınemiz, al ótirik bul bizdiń armanymyz, óz qıalymyzdyń júzege asýyn qalap júrgen oılarymyz»
Sizdiń oıyńyz qalaı?

4 - jattyǵý.
Sen ómirde qandaısyń?
Qatysýshylar sheńber quryp otyrady.
Júrgizýshiniń qolynda dop bolady.
Nusqaýlyq: Qazir bir birimizge dopty berý arqyly dopty qaǵyp alǵan adam: Sen ómirde qandaısyń? Dep suraq qoıady qaǵyp alǵan adam óz boıyndaǵy jaqsy qasıetin aıtady. Árkim óz boıyndaǵy jaqsy qasıetterin aıtyp shyǵýy kerek.