Aqmola oblysynda polısıa qyzmetkerleri Astana – Býrabaı tasjolynda qaýipti jaǵdaı týǵyzǵan BMW X5 júrgizýshisin jaýapkershilikke tartty, dep habarlaıdy infohub.kz saıty.
3 tamyz kúni túste «102» arnasyna elorda turǵyny habarlasty. Ol kórsetilgen tasjolda nemis krosoveriniń júrgizýshisi jol qozǵalysy erejelerin birneshe ret óreskel buzyp, basqa júrgizýshilerdiń qaýipsizdigine qater tóndirgenin aıtty.
Ótinish berýshiniń sózinshe, júrgizýshi jolaqtar arasynda retsiz manevr jasap, basqa kólikterdi qyrqyp ótip, manevr kezinde burylys kórsetkishterin qoldanbaǵan. Barlyq buzýshylyq vıdeoregıstratorǵa túsip, kýáger jazbany polısıaǵa tapsyrǵan.
Habarlama túsken soń patrúldik ekıpajdarǵa kólikke baǵdar berildi. Nátıjesinde buzýshynyń jeke basy anyqtaldy. Oǵan qatysty Ákimshilik quqyq buzýshylyq týraly kodekstiń eki baby boıynsha ákimshilik is qozǵaldy. Sonymen qatar, júrgizýshimen jolda qaýipti minez-qulyqqa jol bermeý týraly profılaktıkalyq áńgime júrgizildi.
Áleýmettik jelilerdegi vıdeojazbaǵa túsiniktemede BMW júrgizýshisiniń ózi de pikir bildirdi. Ol qaýipti manevr jasaǵanyn, sebebi ruqsat etilgen 140 km/saǵ kezinde sol jaq shetki jolaqta 127 km/saǵ jyldamdyqpen júrip, jol bermegen vıdeojazba avtoryn «sabaq bergisi» kelgenin aıtty.
BMW X5 júrgizýshisi sondaı-aq vıdeo avtoryna qarsy qarsy aryz bergenin jáne basqa kameralardyń jazbalaryn qosqanyn málimdedi. Onyń aıtýynsha, ótinish berýshige qazirdiń ózinde hattama toltyrylǵan, alaıda ol onymen kelispeıdi.
Buǵan deıin Býrabaıǵa bara jatqan avtobýs apatynan 11 adam zardap shekkeni habarlanǵan bolatyn.