Eki sheteldik jolaýshy ushý kezinde temeki shekkeni úshin jaýapkershilikke tartyldy. Oqıǵalar Seýl — Almaty jáne Almaty — Shymkent reısterinde bolǵan, dep habarlaıdy infohub.kz saıty.
İshki ister mınıstrliginiń vedimistik saıtynda habarlanǵandaı, Seýl — Almaty reısinde 56 jastaǵy sheteldik azamat avıasıa qaýipsizdigi talaptaryna qaramastan, ushaqtyń dárethanasynda temeki shekken. Ushý aıaqtalǵan soń ol akti boıynsha kólik polıseılerine tapsyrylǵan.
Uqsas jaǵdaı Almaty — Shymkent ishki reısinde de oryn alǵan. Onda ushý kezinde temeki shegýge tyıym salýdy buzǵan sheteldik jolaýshylar anyqtalǵan.
«Barlyq quqyq buzýshylar áýe kemesiniń bortynda temeki ónimderin tutynǵany úshin jaýapkershilikke tartyldy. Kólik polıseıleri atap ótkendeı, áýe jáne temirjol kóligi nysandarynda erejelerdi saqtaý — eń aldymen barlyq jolaýshylardyń qaýipsizdigi máselesi», — delingen habarlamada.
Jyl basynan beri kóliktegi polısıa departamentiniń qyzmetkerleri áýe jáne temirjol kóligi nysandarynda 62 639 quqyq buzýshylyqtyń jolyn kesti. Olardyń ishinde eń kóp taralǵandary — 4 575 аlkogóldik ishimdik ishý nemese qoǵamdyq oryndarda mas kúıinde júrý faktileri, 2 835 temeki shegýge tyıym salýdy buzý faktileri jáne basqa da quqyq buzýshylyqtar.