Gollıvýd juldyzdary Bred Pıtt pen Andjelına Djolı arasyndaǵy Château Miraval fransýz ıeligine qatysty sot daýy shıelenise túsýde. Akter burynǵy jubaıynan 2017-2021 jyldar aralyǵyndaǵy kıno kelisimsharttary men tabys qujattaryn usynýdy talap etti, dep habarlaıdy infohub.kz saıty.
Pıtttiń aıtýynsha, bul málimetter Djolıdiń Stoli Group kompanıasyndaǵy óz úlesin satý sebepteri týraly málimdemeleriniń shyndyqqa saı ekenin tekserýge kómektesedi. Djolıdiń advokattary óz kezeginde aktrısanyń ajyrasý prosesi aıasynda qarjylyq eseptilikti tapsyrǵanyn aıtyp, burynǵy kúıeýin jeke ómirge qol suǵý áreketi dep aıyptaıdy.
Aktrısa tarapy sharap zaýytyndaǵy úlesten bas tartý sheshimi qarjylyq qıyndyqtardan emes, Pıttpen barlyq qarjylyq aktıvterdi tolyq bólýge umtylýdan týyndaǵanyn alǵa tartady. Al Pıtttiń ózi mámile aldyn ala kelisimderdi buza otyryp, onyń kelisiminsiz jasalǵan dep sanaıdy. Qazirgi ýaqytta sot talqylaýy jalǵasýda.