Pew Research Center zertteýine sáıkes, ChatGPT 2022 jyldyń qarasha aıynda iske qosylǵannan keıin jarıalanǵan veb-paraqshalardyń 35 paıyzdan astamy jasandy ıntellekttiń qatysýymen jasalǵan, dep habarlaıdy infohub.kz.
Sarapshylar Common Crawl muraǵatyn taldap, sońǵy bes jyldaǵy jarty mıllıonǵa jýyq aǵylshyn tilindegi paraqshalardy jınap, olardy Pangram qyzmetiniń algorıtmderimen teksergen. Nátıjesinde, ChatGPT shyqqannan keıin jasalǵan materıaldardyń ishinde II qatysqan paraqshalardyń úlesi 35 paıyzǵa jetkeni anyqtaldy.
Esep avtorlary generatıvti kontenttiń tán stılısıkalyq belgilerin de atap ótti. Mátinderde uzyn syzyqshalardyń, oksford útirleriniń jáne erekshe sóz tirkesteriniń qoldanylýy aıtarlyqtaı artqan. Sonymen qatar, .com komersıalyq domenderinde II jasaǵan mátinder bilim berý jáne memlekettik saıttarǵa qaraǵanda on ese jıi kezdesedi.