2025 jyly «Damý» kásipkerlikti damytý qory basqarma músheleriniń syıaqysyna 315,4 mln teńge jumsaǵan. Bul byltyrǵy kórsetkishten 34,9%-ǵa kóp, dep habarlaıdy infohub.kz saıty.
Alaıda bir basqarma múshesine shaqqandaǵy ortasha syıaqy sál tómendegen. 2024 jyly bes basshynyń árqaısysyna orta eseppen 46,8 mln teńge tıesili bolsa, 2025 jyly bul kórsetkish 45,1 mln teńgeni quraǵan. Tómendeý shamamen 3,7%-dy qurady, sebebi basqarma quramy bes adamnan jeti adamǵa deıin ulǵaıǵan.
Sońǵy bes jyldaǵy tólem dınamıkasy tómendegideı. 2025 jyly basqarmada 7 múshe bolyp, jalpy syıaqy 315,4 mln teńge, árbir múshege orta eseppen 45,1 mln teńge (2024 jylmen salystyrǵanda 3,7%-ǵa tómen). 2024 jyly 5 múshege 233,8 mln teńge, ortasha 46,8 mln teńge (2023 jylǵa 31,4%-ǵa ósim). 2023 jyly 6 múshege 213,5 mln teńge, ortasha 35,6 mln teńge (2022 jylǵa 11,2%-ǵa ósim). 2022 jyly 6 múshege 191,9 mln teńge, ortasha 32,0 mln teńge (2021 jylǵa 0,8%-ǵa ósim). 2021 jyly 5 múshege 158,7 mln teńge, ortasha 31,7 mln teńge (2020 jylǵa 22,2%-ǵa ósim). 2020 jyly 7 múshege 181,8 mln teńge, ortasha 26,0 mln teńge.
2020 jylmen salystyrǵanda, bir basqarma múshesiniń jyldyq ortasha syıaqysy 73,5%-ǵa, ıaǵnı 19,1 mln teńgege ósken.
«Damý» qory – shaǵyn jáne orta bıznesti qoldaýmen aınalysatyn memlekettik damý ınstıtýty. Qor arqyly kásipkerler nesıe boıynsha sýbsıdıalar, kepildikter, jeńildikti qarjylandyrý jáne ózge de memlekettik qoldaý sharalaryn alady.
Qordyń jalǵyz aksıoneri – «Báıterek» ulttyq basqarýshy holdıńi.
Buǵan deıin «Damý» qory shaǵyn jáne orta bıznesti qoldaýǵa 271 mlrd teńge bóletini habarlanǵan.