Aǵylshynnyń «Bernlı» fýtbol klýby Qazaqstan quramasynyń shabýylshysy Dastan Satpaevty jaldaýǵa alǵanyn jarıalady, bul qazaqstandyq jankúıerler arasynda erekshe qyzyǵýshylyq týdyrdy. Klýbtyń Instagram-daǵy sońǵy jazbasynyń astynda Qazaqstannan kelgen qoldanýshylardyń pikirleriniń naǵyz daýyly paıda boldy, dep habarlaıdy infohub.kz saıty.
«Bernlı» londondyq «Chelsıden» jaldaý negizinde aýysqan Dastan Satpaevtyń beınesin jarıalady. Beınejazbanyń sıpattamasynda klýb: «„Bernlımen“ kelisimshartqa otyrǵan Qazaqstannan shyqqan tuńǵysh oıynshy» dep jazdy. Sondaı-aq fýtbolshynyń jeke sýreti jarıalandy.
Eki jazba da qazaqstandyq qoldanýshylardyń úlken qyzyǵýshylyǵyn týdyrdy. Pikirlerdiń arasynda mynalardy kórýge bolady: «Bul maýsymda „Bernlı“ Premer-lıganyń úzdik úshtigine enedi», «Baýyrym, gol soq», «Sáttilik Dastan», «Oooo Dastan Satpayev», «Barlyq qazaqtar bala kezinen „Bernlıdi“ jaqtaıdy», «Alǵa, Dastan!», «Sáttilik, baýyrym», «„Bernlıdiń“ SMM-mamany pikirlerdiń kóptiginen tańǵalyp otyr».
Eske salaıyq, buǵan deıin londondyq «Chelsı» fýtbolshynyń almatylyq «Qaırattan» aýysqanyn resmı túrde jarıalaǵan bolatyn, sebebi 12 tamyzda ol 18 jasqa toldy. Sondaı-aq «Chelsı» Satpaevtyń aldaǵy maýsymǵa «Bernlıge» jaldaýǵa berilgenin habarlady.
Keıin Dastan Satpaevtyń ózi «Bernlıge» ýaqytsha aýysýyna túsinikteme berdi. «Bul tek basy. Jaldaý — meni kúsheıtetin jańa tájirıbe. Eń jaqsysy alda In Shaa Allah! Alǵa Qazaq elim», — dep jazdy sportshy.