Qazaqstan quramasynyń shabýylshysy Dastan Satpaev karerasyn aǵylshyndyq «Bernlıde» jalǵastyrady, dep habarlaıdy infohub.kz saıty.
Londondyq «Chelsı» fýtbolshynyń almatylyq «Qaırattan» aýysqanyn resmı túrde jarıalady, sebebi 12 tamyzda ol 18 jasqa toldy. Sol kúni «Chelsı» Satpaevtiń aldaǵy maýsymdy «Bernlıde» jalǵa ótkizetinin rastady.
«Bordo» tústiler ótken maýsymda Anglıa Premer-lıgasynda 19-oryn alyp, Chempıonshıpke túsip qaldy. Jańa maýsymda «Bernlı» 16 tamyzda londondyq «Vest Hemge» qarsy úıdegi oıynmen bastaıdy.
Satpaevtiń aýysýy beınerolık arqyly tanystyryldy. Sodan keıin «Bernlı» «Chelsımen» maýsymdyq jaldaý kelisimin rastady.
Satpaev maýsym aldyndaǵy daıyndyqtyń kóp bóligin «Chelsıde» ótkizdi. Halyqaralyq týrdyń alǵashqy oıynynda ol londondyqtar sapyndaǵy alǵashqy golyn avstralıalyq «Vestern Sıdneı Ýonderers» qaqpasyna soqty.