17 jastaǵy qazaqstandyq shabýylshy Dastan Satpaevtyń londondyq «Chelsı» sapyndaǵy debúttik goly Aýstralıada ótken Sydney Super Cup jazǵy týrnırindegi eń ádemi gol dep tanyldy, dep habarlaıdy infohub.kz saıty.
Aýstralıanyń kásibı fýtbol lıgasy A-League-tiń Instagram-daǵy resmı paraqshasynda osy jarystyń úzdik goldarynyń reıtıńi jarıalandy. Onda birinshi oryndy Satpaevtyń «Vestern Sıdneı Ýonderers» komandasyna qarsy oıynda soqqan goly ıelendi. Bul dop jas forvard úshin aǵylshyn klýby sapyndaǵy debúttik gol boldy.
Satpaevtyń golynan bólek, úzdikter qataryna Matıs Teldiń «Sıdneı» qaqpasyna soqqan goly, Aıdan Hemmondtyń «Chelsı»-men oıyndaǵy goly, Darıý Essýgýnyń «Vestern Sıdneı Ýonderers» qaqpasyna soqqan goly jáne Dılan Sıklýnanyń «Chelsı»-men machtaǵy goly endi.
Eske sala keteıik, Dastan Satpaev «Chelsı» sapynda aýstralıalyq «Vestern Sıdneı Ýonderers» klýbyna qarsy oıynda negizgi quramda alańǵa shyqty. Kezdesýdiń jetinshi mınýtynda-aq qazaqstandyq esep ashty: aǵylshyndyq vınger Raıan Kavýma-Makkýınniń ótkir pasynan keıin ol joǵary jyldamdyqpen qarsylas qaqpasyna baǵyttaldy da, dopty qaqpanyń joǵarǵy alys buryshyna dál baǵyttady.
Bul machta londondyqtar aýstralıalyqtardy 6:4 esebimen jeńdi.