Reseılik medıamenedjer, Qazaqstannyń eńbek sińirgen qaıratkeri Arman Davletárov Groznyıǵa baryp, sapar áserimen Instagram paraqshasynda bólisti, dep habarlaıdy infohub.kz saıty.
56 jastaǵy Davletárov Sheshenstanǵa, Groznyı qalasyna árdaıym qýana baratynyn atap ótti.
«Munda bizdi, qazaqtardy, erekshe jylylyqpen qarsy alady, bul meni qatty tolqytady. Biraz ýaqyt buryn sheshen tilin onlaın úırene bastadym. Al qazir sóılesýge jattyǵatyn dál ýaqyty. Budan úlken lázzat alamyn! Sheshen halqynyń mádenıetin, dástúrlerin zerttep júrmin. Sondyqtan bul joly munda erekshe qyzyǵýshylyqpen jáne qurmetpen keldim. Sheshenderdi senimderin, tilin, mádenıetin qalaı uqypty saqtap, balalary men nemerelerine jetkizip jatqany úshin qatty qurmetteımin. Munda ár qadam saıyn halyqtyń óz minezin, óz genetıkalyq kodyn saqtap qalǵany seziledi. Óz tamyryn osylaısha baǵalaıtyn halyqtyń bolashaǵy bar. Qazaq pen sheshen — máńgilik baýyr!» — dedi medıamenedjer.
Jazylymshylar jarıalanymǵa jyly pikirler jazyp jaýap berdi. «Men sheshenmin, Qazaqstanda dúnıege keldim. Qazir Sheshenstanda turamyn. Qazaqtardy kórgende, baqytty, meıirimdi, shýaqty balalyq shaǵymnan týǵandaı túsiniksiz sezim paıda bolady!», «Sizdi óz otanyńyzda kórgen qandaı jaǵymdy», «Groznyı qalasyna qosh keldińiz!» — dep jazdy olar.