InfoHub Logo

Deıl Karnegı - amerıkalyq pedagog, psıholog, jazýshy. Ózdiginen jetilý týraly kóptegen psıhologıalyq kýrstary bar. Onyń kitaptary qazirgi kezde de tanymal.

Aınalańyzǵa bir sátke qarap, sáttilikke qol jetkizgen adamdarǵa zer salyp kórińizshi. Olardyń bári basqalarǵa uqsamaıtyn, basqalardan bólip turatyn erekshe minez-qulyqqa ıe bolýy ábden yqtımal.

Biz sizge Deıl Karnegıdiń basqalardy basyp ozatyn jáne ózińizdegi ashyla almaı júrgen keıbir qasıetterdi baıandap berýge tyrysamyz.

Kósh basyndaǵy adam - negizinde, kez-kelgen isti isteýge daıyn turatyn jáne qıyndyqtardan qoryqpaıtyn adam.

Deıl Karnegı

Adamnyń múmkindikteri sheksiz. Bizdiń mıymyz kompúter nemese qatty dısk sıaqty tolyp qalmaıdy, oılaý qabiletimiz orasan. Siz jańa maqsattar men armandarǵa qol jetkizý úshin, ózińizdiń múmkindikterińiz ben qabiletterińizdi únemi keńeıtip otyrýǵa tıissiz. Bul úshin:

Qazirgi sátpen ómir súrińiz

Kóptegen adamdar ótken ómirlerin jıi eske túsiredi. Olar kúni boıyna burynǵy istegen isterimen maqtanýǵa daıyn. Biraq moıyndaý kerek ótken ómir ótti ketti, ony qaıtaryp ala almaısyz. Sondyqtan, ótkenmen ómir súrý sizge tek zıanyn tıgizedi jáne qabiletińizdiń báseńdeýine ákep soǵady.

Bul máselemen jolyqqanda "qalaı bulaı boldy?"-syndy suraqtarmen ózińizdi qınaýyńyz múmkin. Biraq bul sizge kómektespeıdi, qaıta "men muny qalaı túzeımin?" - degen suraqqa jaýap izdeńiz. Eger qundy ýaqyttaryńyzdy joǵaltqyńyz kelmese ótkendi saralańyz, osy shaqta ómir súrińiz, bolashaq jaıly da umytpańyz.

Bolmashy nársege mán bermeńiz

Keı kezderi kóshede tanymaıtyn adamnan estigen dóreki sózder, kúni boıy kóńil-kúıińizdiń túsip júrýine sebep bolýy múmkin. Eger de siz ózińizge senimdi bolsańyz, mundaı maıda nárselerge kóńil aýdarmańyz. Ol úshin ózińizden surańyz: "Bul jaǵdaı 1 jyldan soń maǵan áser ete ma?"-dep. Eger joq bolsa, bul bolmashy jaıt kúsh-qýatyńyzdy ketirip, kóńilińizdi túsirýge turarlyq pa? Eń durysy, bolashaǵyńyzǵa tikeleı áseri bar nárselermen shuǵyldanyńyz.

Barlyǵyna basqalardy kinálamańyz

Óz boıyndaǵy kemshilikti jasyrýdyń eń ońaı joly - basqalarǵa kinarat artý. Úkimetti nemese bastyǵyńdy az aılyq úshin, bolmasa búkil álemdi oryndalmaı qalǵan armandaryń úshin kinalaý op-ońaı. Degenmen, esińizde saqtańyz, alǵa qoıǵan maqsattaryńyzǵa jetý úshin, jaýapkershilińizdi sezinýińiz óte mańyzdy.

Siz basqalardy kinalaı otyryp jaýapkershilikten qutylýyńyz múmkin, biraq ózgelerge ózińizdi basqarý múmkindigin berip qoıasyz. Eger siz 100% óz ómirińizdiń qojaıyny bolsańyz maqsatyńyzǵa tez jetesiz.

Shaǵymdana bermeńiz

Árqaısymyz ómirde bir ret bolsyn shaǵymdanǵanymyz ras, sebebi bul barlyq adamǵa tán nárse. Adam únemi shaǵymdanatyn bolsa, negatıv ortalyǵyna aınalady. Eger siz óz taǵdyryńyzǵa rıza bolmasańyz, basqalarǵa shaǵymdanýdyń ornyna ony ózgertýge tyrysyńyz.

Úlken maqsattardan qoryqpańyz

Kóptegen adamdar senimsizdikten ózderine ońaı maqsattardy tańdaıdy. Sátsizdikke ushyraýdan qoryqpaý kerek. Umytpańyz, táýekel túbi - jel qaıyq. Sizdiń múmkindikterińiz asa zor, azyna kelispeńiz. Adam tek óz múmkindigin sezingende ǵana iri maqsatqa umtylady.

Problemalardan qashpańyz

Bizdiń negatıvti kóńil-kúıimiz jaı jarylatyn bomba sekildi, kez-kelgen sátte jarylýy múmkin. Sondyqtan sizdi bir nárse mazalap júrse ony tap qazir sheshińiz. Problemalardan qashpańyz, olardy sheshińiz.

Óz kúshińizge senińiz

Siz birdeńeni iske asyra alasyz ba álde iske asyra almaıtynyńyzǵa senimdisiz be, - eki jaǵdaıda da sizdiki durys.

Genrı Ford

Bir nársege ózińizdi sendirý sózsiz siz úshin óte mańyzdy. Eger siz bir máseleni sheshýge senbeı tursańyz, aqylyńyz da buǵan dálel tabady. Eger de siz óz kúshińizge senseńiz, kúshińiz sizdi ár ýaqytta tyǵyryqtan alyp shyǵady. Ózińizdi zertteý barysynda ózińizge degen senimdiligińiz odan saıyn arta túsedi.

Basqalardyń kómegin qabyldańyz

Keı adamdar kómekke muqtaj bola tura odan bas tartady. Bul - baryp turǵan aqymaqtyq. Kómek suraýdan eshqashan uıalmaý kerek. Keı kezderi bir máseleni sheshýge ketken birneshe saǵat, bireýdiń kómegi arqyly birneshe sekýndte sheshilýi múmkin.

Máseleni keıinge qaldyrmańyz

Jumystardy dál qazir oryndaý múmkin bolǵan jaǵdaıda olardy keıinge qaldyrý sizdiń múmkindikterińizdi óltirýdiń birden-bir durys joly. Eger siz alǵa qoıǵan maqsattaryńyzdyń birde-birine jetkińiz kelmese, olardy únemi keıinge qaldyryp otyryńyz. Eger josparlaǵan maqsatyńyzǵa jetkińiz kelse, jumysty dál qazir bastańyz. Ózińizge kúmándanbańyz. Unaǵan nárselerdi jasaǵan kezde siz árqashan durys joldasyz.

Únemi kúlip júrińiz

Umytpańyz, únemi jymyıyp júrý sizdiń qupıa qarýyńyzdyń biri. Tipti sizge qatty ashýlanǵan adam júzińizdegi kúlkini kórgende abdyrap qalyp, sabasyna túsedi.

---