Qazaqstandyq ánshi Dımash Qudaıbergen qazan aıyna deıin konserttik qyzmetinde úzilis jasaıtynyn, sodan keıin jańa álemdik týr bastalatynyn málimdedi. Bul týraly infohub.kz saıty habarlaıdy.
Ártis áleýmettik jelilerde ushaq salonynda túsirilgen fotosýretin jarıalap, Qaraǵandy turǵyndary men qonaqtaryna jyly qabyldaǵany úshin alǵys bildirdi. 29 tamyzda Dımash Kenshiler kúnine arnalǵan merekelik konserttiń hedlaıneri boldy.
«Bizdi jańa álemdik týr kútip tur. Qazan aıynda kezdesemiz. Daıyndalýǵa ketemin... Birden aıtaıyn: ushaqty ózim ushpaımyn, ýaıymdamańyz... tek azdap qana», — dep jazdy ánshi.
Aıta keteıik, Dımash bir ret qazaq halyq ánin aspanda oryndaý úshin ushaqty ózi ushqan edi.
Jankúıerler túsiniktemelerde tańdanystaryn bildirdi: «Tolyqqandy konsert bergenińiz úshin rahmet. Qaraǵandy da, onyń ústindegi aspan da muny estidi», «Ushaq saǵan óte jarasady. Qaraǵandydaǵy keremet konsert úshin rahmet! „Dimensions“ kútemiz», «Sáttilik, Dımash!».
Buǵan deıin Dımash Qaraǵandydaǵy óneri kezinde ápkesine tosynsyı jasaǵany habarlanǵan bolatyn.